‘Fueu’ d’Estopa, a puntu del doblete en vientes y ‘streaming’ n’España

04 08:43 2019 Imprimir

Fueu, el que ye yá’l novenu discu d’estudiu d’Estopa, estrenóse nel mercáu español con un númberu 1 en vientes que resulta más pervalible pol altu númberu de novedaes acopando los diez primeros puestos, quedando bienb cerca de consiguir tamién esa plaza nes escuches en llínea.

Estopa publicaron el so primer discu’l 18 d’ochobre de 1999 y esti vienres 18 d’ochobre de 2019 celebren el so venti aniversariu llanzando’l novenu: Fueu (Sony Music). “Propunxéronnos un recopilatorio, pero llevamos trabayando nesti discu dende 2015. Mola celebrar el venti aniversariu con un discu como si nun pasara nada. El primeru llamábase Estopa y el nuevu Fueu… amburó”, plantega David (Cornellá, 1976), a quien José (Cornellá, 1978) completa: “Y yá lo fiximos asina nel décimu aniversariu”.

Con cantares nuevos a puntu de ver la lluz, confiesen dambos siguir “igual d’ilusionaos” y tar “de los nervios” énte la inminente salida del discu. “Nun nos costar dormir, pero en metá de la nueche espertamos”, apunta risonderu José mientres David asiente y asegura que xuna recién madrugada espertóse “pensando nel putu discu” y vio que yeren “les 6:66 nel reló”.

Conteniendo a dures penes el so constante sentíu del humor, cavilga David sobro’l so motivación dende’l primer día hasta güei: “L’ésitu pa nós nunca foi ser númberu 1 o enllenar, sinón faer un cantar que nos flipe y que nos llegue un colega al qu’apreciamos y tenémos-y respetu y díganos ‘cómo mola’”. “Lo demás vien porque fixisti un bon discu”, repostia de nuevu José.

  Categories: