Fotoperiodismu asturianu nel Barjola

Como cada añu, los fotoperiodistes asturianos faen balance y ponen de nuevo énte los güeyos de la ciudadanía aquelles imáxenes coles que s’ilustraron los aconteceres del exerciciu anterior. Nun se correspuenden, necesariamente, coles noticies qu’entós se consideraron más relevantes, porque’l tiempu tamién apurre un nuevu prisma a les miraes y revela cómo acontecimientos que resultaben aparentemente menores revistíen una singularidá que-yos facía merecer una nueva güeyada.

D’esta mezcla, de la constatación de lo que foi y del descubrimientu de lo que pudo pasar inalvertío, surde la colección d’imáxenes que compón Miraes 2014 -una escoyeta de 92 imáxenes onde se revisen socedíos y protagonistes del añu 2013 n’Asturies- que va poder visitase nel Muséu Barjoja de Xixón ente’l 6 de xunu y el 3 d’agostu.