Fonte Fuécara y Prau Llerón encandilen nel Espace Bretagne al públicu lorientés

09 agostu 09:58 2019 Imprimir

La Banda de Gaites Fonte Fuéracara foi la encargada’l llunes d’abrir la presencia asturiana nel programa “Músiques y fances de los Países Celtes” que se desenvuelve toles sobremeses nel Espace Bretagne del Festival de Lorient y el Grupu Folclóricu Prau Llerón caltuvo l’altor interpretativu esti xueves.

Los dos grupos foron los encargaos nos sos díes respeutivos d’abrir el programa: a les dos y media de la tarde, el llunes dieron los de Fonte Fuécara un conciertu nel que por mor d’un sofitu musical bien significtivu llograron un soníu que poques veages se siente nestes sobremeses folk del festival. Con Fonte Fuécara tuvieron Diego Pangua cola flauta, Indalecio Prieto col so inseparable clarinete, dos que se conocen bien, Elías García col bouzuki y Rubén Bada  cola guitarra, Sergio Diaz al bajo, Andrés García na batería, y Miguel Fernández col acordión. Cásique una hora d’actuación faciendo una esfoyaza del so discu ‘Caltener’, interpretando tanto adautaciones como la de  ‘Coaña’ de Javi Tejedor, como los sos especiales ‘Sets de Remis y Arnicio’ y sorpreses como les ‘Rumbes de Clemente’

El colectivu “Fonte Fuécara”, fundose nel añu 1979 en Pruvia (Llanera) coles mires d’esfrutar, espublizar y protexer el folclor asturianu. Nes sos actuaciones axunten la música y el baille tradicional, ufiertando un espectáculu entreteníu, nel que’l más fondu respetu pol nuesu mancomún cultural constitúi una referencia constante. El director musical de la banda nos sos empiezos foi’l conocíu gaiteru Pedro Pangua, y anguaño encargase d’esti llabor Rodrigo Molinos na dirección musical.

Prau Llerón, el grupu mierense que pon dances a la música asturiano esti añu en Lorient, fizo lo propio sofitándose nuna  bandina formada por gaita, acordión, tambor y bombu que-y dio cuerpu al sonar de los panderos. El so repertoriu va de la danza del Suroccidente, como’l ‘Baille Chanu’ de Piedrafita o la ‘Xota’ de Degaña a la Xota de Tormaleo y dellos otros clásicos del folclore asturiano más tradicional.

Loading Facebook Comments ...