Fleet Foxes va actuar en Xixón

11 xunetu 09:00 2018 Imprimir

Formaos en 2006 en Seattle, Fleet Foxes saltaron a la fama más bien nel 2008 tres el llanzamientu del EP “Sun Giant” y l’álbum homónimu “Fleet Foxes” recibiendo dambos dos grandes aponderamientos de la crítica y agora recalen en Xixón,

El quintetu, que se describe a sí mesmu como “una jam de pop harmónicu barrocu” destaca poles sos harmoníes vocales y les sos lletres. En roblando cola filial de Warner Music, Sub Pop, llegaba’l so primer álbum homónimu; un debú que tuvo un fondu impactu nel panorama musical internacional, ganándose’l primer Premiu de Música de Uncut y superando les llistes de “Lo meyor de” de Rolling Stone, incluyíos los 100 Meyores Álbumes de los 2000 y los 50 Meyores Álbumes de Pitchfork.

Mientres, la banda enllenaba allá onde actuaba reafitando la so creciente popularidá. Tres una carrera acandilante na que nun pararon de collechar ésitos, tamién col so segundu álbum Helplessness Blues llanzáu en 2011, Fleet Foxes vuelven con un tercer y esperáu álbum sol brazu; “Crack-Up” (Nonesuch Records).

El pasáu mes de xunu de 2017, Fleet Foxes llanzó “Crack-Up” (Nonesuch Records), el so esperáu tercer álbum. Crack-Up llega seis años dempués del llanzamientu en 2011 de Helplessness Blues y casi una década dempués del debú homónimu de la banda en 2008.

Los once cantares de Crack-Up fueron escritos por Robin Pecknold y grabao n’Estaos Xuníos. La banda atópase somorguiada n’una estensa xira por tol mundu, na que foi colgando’l cartelu de nun hai billetes en munches de la ciudaes nes qu’actuaron, teniendo que repitir feches en ciudaes como Londres, París o Chicago.

Más información

  Categories: