Fito & Fitipaldis va llegar a Xixón cola so xira “20 años, 20 ciudaes”

Fito & Fitipaldis va llegar a Xixón cola so xira “20 años, 20 ciudaes”
20 ochobre 09:04 2017 Imprimir

El grupu Fito & Fitipaldis va venir a Xixón cola so xira “20 años, 20 ciudaes” programando un conciertu na villa’l 17 de marzu, coles entraes a la vienta dende esta selmana.

Mientres 2018, Fito & Fitipaldis va llevar a cabu la xira de celebración, “20 años, 20 ciudaes”, que va empezar el 10 de marzu nel Palaciu de los Deportes de Santander y va siguir hasta xunu, mes nel que va rematar esti especial tour. Los Fitipaldis prepararon un repertoriu esclusivu de grandes ésitos que se va presentar en grandes recintos de 20 úniques ciudaes. En cada conciertu Fito va convidar a distintos artistes y amigos a xubir al escenariu para compartir cantares.

Les entraes d’estos venti cites tan especiales salieron a la vienta’l día 17 d’ochobre a les 12 hores en www.fitoyfitipaldis.com. Abriendo los conciertos vamos tener a Rapacín al más puru estilu hombre orquesta que, con seis pedales a los pies (bombu, caxes, charres, platos) y guitarres en mano, va inaugurar cada nueche col so repertoriu más funky-rock.

  Categories: