Portada Conceyos Finen les obres p’ameyorar los viales na redolada del HUCA

Finen les obres p’ameyorar los viales na redolada del HUCA

by redacción asturnews

El Conceyu d’Uviéu punxo en marcha esti domingu les obres p’ameyorar los viales na redolada del HUCA.  Les obres, que se van realizar pela nueche pa causar el menor perxuiciu posible a los y les conductores, básense principalmente nel saneáu de los blandones esistentes, la reposición del firme y la señalización horizontal.

Tratase d’unes obres necesaries debíu al mala traza de los viales, que rexistraben fundimientos y deformaciones en delles zones con una importante concentración de tráficu. El conceyal d’Infraestructures del Conceyu d’Uviéu, Nachu Cuesta, refirióse a esta actuación como “necesaria y urxente, cuidao que los defectos de los viales taben enzancando la circulación de vehículos como los autobuses urbanos articulaos, polo qu’el so arreglu va ameyorar la circulación na redolada del Hospital y va contribuyir a entainar el tráficu na zona, sobremanera al evitar los problemes de los autobuses urbanos”, señala’l conceyal.

Estes obres, que se desenvuelven con calter urxente, tan realizándose nestes nueches d’agostu y finen esti día 9, n’horariu entendíu ente les de 23:00 y les 6:00 hores respectivamente.

Debíu a la mala traza del firme, con fundimientos y deformaciones xeneralizaos de la glorieta na que conflúin les cais Juan López Arranz, L’Aldea de Cerdeño y Manuel Crespo y en dellos puntos d’estes cais, zona con importante fluxu de tráficu, dada la so proximidá col HUCA, el pasáu 8 de mayu, el serviciu d’Infraestructures solicitó l’entamu expediente pa poder acometer les obres necesaries pa realizar meyores nestos viales. A finales de xunu, dáu l’agravamientu nos fundimientos, la Policía Local actuó d’urxencia na zona prohibiendo la circulación en diversos puntos de les citaes cais.

Tamién te podria gustar