Fina’l plazu pa presentase al II Concursu de rellatu curtiu “Qué guapo ye querese”

Fina’l plazu pa presentase al II Concursu de rellatu curtiu “Qué guapo ye querese”
20 avientu 10:20 2018 Imprimir

Esti vienres 21 d’avientu fina’l plazu pa presentase al II Concursu de rellatu curtiu “Qué guapo ye querese”, nel que puen participar toles persones d’ente 16 y 25 años (dambos incluyíos) con rellatos curtios en llingua asturiana.
Trátase d’una iniciativa desenvuelta, a comuña, ente la Oficina de Normalización Llingüística y el Conseyu de la Mocedá de Xixón. El concursu empobínase a xente mozo y divídese en dos estayes, una pa persones d’ente 16 y 18 años y otra pa persones d’ente 19 y 25 años y con elli pretendese fomentar l’usu del asturianu ente la mocedá, pa falar de tou tipu de coses (normalizar l’usu social del asturianu); averar la lliteratura a la mocedá; promover un querer llibre, igualitariu, con bon tratu… seya p’hacia persones o p’hacia idiomes y dar visibilidá al Día del Idioma Maternu y al amor poles llingües, concretamente, pol asturianu.

Nos rellatos curtios, les y los participantes van poder manifestar los sos quereres, pol asturianu o cualesquier otra llingua, por otres persones, por elles y ellos mesmos, o por dalguna cosa que-yos alegre los díes y-yos faiga la vida más agradable. El plazu de presentación d’orixinales empecipiaba’l 29 d’ochobre y remata’l 21 d’avientu. Los premios van entregase’l 21 de Febreru de 2019, coincidiendo col Día Internacional de la Llingua Materna.

  Categories:
Loading Facebook Comments ...