FETEN trai a Xixón en Febreru a 86 compañíes nacionales ya internacionales

FETEN trai a Xixón en Febreru a 86 compañíes nacionales ya internacionales
02 xineru 11:13 2019 Imprimir

La Feria Europea d’Artes Escéniques pa Neños y Neñes de Xixón, FETEN, escoyó un total de 86 compañíes nacionales ya internacionales pa dar forma a la programación de la so ventiavu octava edición, que se va desenvolver na localidá asturiana del 17 al 22 de febreru.

Más de 200 representaciones van asoceder mientres seis intenses xornaes en distintos escenarios de la ciudá (como’l Teatru Xovellanos, el CC Antiguu Institutu o’l paséu de Begoña) nel marcu d’una cita de referencia qu’axunta cada añu una estensa representación del sector escénicu para neños y neñes dientro y fora de les fronteres del nuesu país. Hasta’l próximu día 25 de xineru va permanecer abierta la inscripción pa profesionales que deseyen asistir a FETEN 2019, al traviés de la so páxina web, www.feten.gijon.es. Amás, va haber trés propuestes de xuegos, cuatro instalaciones y una esposición, Del covarón al cine: un viaxe al traviés de los títeres, promovida por Títeres Etcétera, que resume trés décades de trabayu artísticu y técnicu de la compañía granadina.

Precisamente, Títeres Etcétera van ser los encargaos de cerrar la programación de FETEN 2019 con El sastrecillo valiente, a partir de la versión que del cuentu de los Hermanos Grimm realizó’l compositor húngaru-francés Tibor Harsányi. Esta obra pretende espublizar valores lliterarios y musicales, pero tamién dar a conocer esos oficios del mundu del teatru que resulten menos visibles pal públicu, como les relaciones col vestuariu. Pela so parte, la compañía madrilana Aracaladanza va inaugurar la feria col so espectáculu Play, una propuesta en redol a la llibertá de xugar a cencielles para prestase. Fantasía, creatividá, suañu y maxa son los ingredientes esenciales d’esti montaxe, robláu por una agrupación referente na creación d’espectáculos para públicu familiar venceyaos a la danza.

Ente les propuestes programaes, inclúyense 14 estrenos absolutos, roblaos toos ellos por compañíes nacionales. Asina, los asturianos Fantastique Company, Companya Pep Bou, dende Cataluña, y los manchegos Ultramarinos de Lucas van averar al públicu de FETEN los sos últimos trabayos de teatru xestual, titulaos, respectivamente La pintora FloraBLOOP! A mi lado.

Los espectáculos que van conformar la programación de FETEN 2019 fueron escoyíos ente les 841 propuestes escéniques recibíes pola organización, procedentes de 27 países distintos, incluyíu España. Asina, la cita batió récords d’ediciones precedentes. L’intercambiu y la cooperación ente distintos axentes del sector van marcar, un añu más, el desenvolvimientu de la feria, que va convertir de nuevu a Xixón n’escaparate pa compartir intereses, esperiencies y conocencies, y pa favorecer el venceyu directu ente programadores, distribuidores y ceadores. Pa, amás de representaciones, la programación va incluyir otra serie d’actividaes, como xuntes sectoriales o presentaciones de proyectos.

  Categories:
Loading Facebook Comments ...