Portada Fiestes Festexos trabaya na planificación de les próximes fiestes de San Mateo

Festexos trabaya na planificación de les próximes fiestes de San Mateo

by redacción asturnews

Cuadonga Díaz, conceyala de Festexos del Conceyu d’Uviéu, manifestó esta selmana qu’el so departamentu ta trabayando na planificación de les próximes fiestes de San Mateo, “unes fiestes distintes, más restrictives, por cuenta de la crisis sanitaria”.

La conceyala señaló que dende l0’área de festexos “yá tamos trabayando na ellaboración de los pliegos y na programación festiva. La maquinaria sigue funcionando pero teniendo siempres en cuenta la evolución de la pandemia nes próximes selmanes, tamos trabayando cola máxima responsabilidá y el máximu rigor por que los uvieinos puedan esfrutar de San Mateo magar los difíciles momentos que tamos viviendo” y añedió   “que los aforos van ser amenorgaos yá que a día de güei les autoridaes acuten a 800 persones sentaes los aforos n’espacios abiertos a partir del 25 de xunu”.

Díaz realizó estes declaraciones al rematar la xunta que caltuvo colos representantes de l’asociación SOS vieyu Hospital, quien-y treslladaron el so propuesta por que’l parque del Truebano acueya actividaes festives.

La conceyala manifestó “la bona sintonía” surdida de la xunta ya informó que tán empezando a centrar la programación y que volverá axuntase colos sos representantes mientres la primera quincena de xunu y que va valorar la propuesta colos compañeros del equipu de gobiernu y los técnicos municipales. “Queremos celebrar San Mateo y queremos celebralo de forma segura para toos” concluyó.

Tamién te podria gustar