Festexos sofita la organización de 39 romeríes populares en tol conceyu d’Uviéu

Festexos sofita la organización de 39 romeríes populares en tol conceyu d’Uviéu
16 10:13 2017 Imprimir

L’órganu de Subvenciones del Ayuntamientu d’Uviéu aprobó esta selmana la conexón de les subvenciones qu’otorga la conceyalía de Festexos con un importe global de 140.000 euros que van sirvir pa sofitar a un total de 39 asociaciones de vecinos y sociedaes de festexos qu’entamen romeríes populares a lo llargo del añu nos barrios y pueblos del conceyu.

Un total de 45 colectivos ciudadanos allegaron a la convocatoria que se resolvió cola concesión de 39 ayudes porque los seis restantes presentaben defectos na documentación presentada. Les cuantíes de l’ayuda municipal van de los 500 a los 6.000 euros en función del programa d’actividaes que s’entame.

El conceyal de Festexos, Roberto Sánchez Ramos, aportunó en que les ayudes suponen “un respaldu importante, non solo a participación de los vecinos na vida del conceyu sinón tamién al caltenimientu y promoción de les tradiciones populares”. Coles mesmes, Sánchez Ramos destacó la importante presencia de colectivos de la zona rural del conceyu ente les entidaes que van recibir la subvención municipal.

  Categories: