Festexos d’Uviéu va siguir apostando por potenciar San Mateo y Navidá

La conceyala de Gobiernu de Festexos, Mocedá y Centros d’Estudiu, Cuadonga Díaz  compareció  pa dar a conocer les partíes destinaes a la so árees de Gobiernu dientro del Proyectu de Presupuestos para l’exerciciu 2022 del Conceyu d’Uviéu.

Díaz detalló que pal área de Festexos va disponer de 3.111.136 €, cantidá cola que pretende siguir potenciando, ente otres, les fiestes de San Mateo y la Navidá. Dos cites qu’en palabres de la conceyala “fueron tou un ésitu nel 2021 y queremos que lo vuelvan a ser nel 2022”.

La cresponsable municipal de la área destacó que tamién s’emprestará especial atención a L’Ascensión y a les fiestes de los barrios, nes  que s’espera qu’anguaño la situación sanitaria dexe celebrales.

No que fai a les árees de Mocedá y Centros d’Estudiu va disponer de 796.156 € y 343.951 € respectivamente. Na área de Mocedá destáquense, ente otres, les partíes destinaes a los convenios con Cruz Roja Española del Principáu d’Asturies, cola Fundación CESPA Proxecto Home y cola Federación d’Entidaes Xuveniles d’Uviéu CMU.

En Centros d’Estudiu destaca la implementación d’una partida de 12..000 € pa la compra d’elementos de prevención frente a la COVID 19.