Festexos d’Avilés subvenciona con 20.000 euros les fiestes nos barrios

Festexos d’Avilés subvenciona con 20.000 euros les fiestes nos barrios
12 xunu 08:54 2020 Imprimir

Festexos d’Avilés vieno acabante de facer l’anuncia de la subvención con 20.000 euros e dles fiestes nos barrios del conceyu. El plazu de presentación de solicitúes va ser d’un mes a partir d’esti 11 de xunu, tres la so publicación nel BOPA.

Cada asociación vecinal o entidá organizadora de los festexos va recibir un máximu de 2.500 euros, que superen en 1.000 la cantidá del añu pasáu na primer edición de la convocatoria. Les solicitúes tienen de tramitase al traviés de la see electrónica municipal.

Les fiestes de los barrios van tomar impulsu esti branu na midida na que el decretu de desescalada pol COVID-19 les dexe y, pa favorecelo, el Conceyu d’Avilés llanza per segundu añu la convocatoria de subvenciones a les asociaciones vecinales y comisiones de festexos. Van Ser un total de 20.000 euros, y podrán solicitase nun plazu d’un mes, a partir de mañana, 11 de xunu, tres la so publicación nel BOPA.

Cada asociación va poder optar a una subvención que cubra hasta’l 75 per cientu del costu de l’actividá, con una llende de 2.500 euros, lo que supera en 1.000 euros la cuantía del añu pasáu, na primer edición d’esta convocatoria.

La conceyala de Festexos, Yolanda Alonso, axuntóse la pasada selmana colos colectivos que les entamen, y resaltó la importancia de la so celebración, como “un motor económicu, pero tamién anímicu nestos tiempos”, y recordó que “les fiestes populares identifíquennos tamién como sociedá, polo que ye importante realizar un esfuerzu pa xenerar actividá nos barrios”.

Van poder recibir l’ayuda los proyectos referíos a celebraciones tradicionales, nes que tenga especial importancia salvaguardar elementos culturales ya identitarios del conceyu avilesín, y tamién les fiestes patronales de les parroquies municipales, como entidaes de desenvolvimientu vecinal que son, según les fiestes mayores, como son les de convivencia, de barriu, etcétera.

Van ser susceptibles de recibir la subvención aquellos proyectos que potencien los sectores implicaos nes actividaes festives, en distintos barrios y espacios del conceyu; impliquen nes dinámiques festives d’Avilés a entidaes entamaes, que formen parte del texíu asociativo municipal; contribuyan a fomentar la ufierta festiva avilesina, descentralizándola y espandiéndola por tol conceyu, y fomenten el desenvolvimientu lúdicu como un recursu turísticu más.

Más información

  Categories: