Fernando Martínez gana’l XII Concursu de micro-rellatos de l’A. VV. El Hórreo

Fernando Martínez gana’l XII Concursu de micro-rellatos de l’A. VV. El Hórreo
04 agostu 10:33 2018 Imprimir

L’avilesín Fernando Martínez vieno acabante ganar el XII Concursu de micro-rellatos de l’A. VV. El Hórreo col micro-rrellatu “Nueche” que presentó embaxo’l nomatu de Leceñes. El segundu premiu fue pa Paquita Suárez Coalla, de Grullos.Aconceyáu el xuráu del XII Concursu de micro-rellatos n’asturianu “L’Horru del Carbayedo” (al marxen dafechu de l’Asociación de Vecinos El Hórreo, entidá que lu entama), y formáu por D. Miguel Solís Santos (escritor, debuxante y miembro de l’ALLA), Dª Susana Sela Rodríguez (escritora y esperta en cultura tradicional asturiana) y D. Hugo Cortina Fanjul (filólogu, especialista en llingua asturiana), alcordó axudicar los premios relacionaos d’arréu:

– Primer Premiu (500 € y trofeu):
“Nueche” (presentáu col nomatu “Leceñes”)

– Segundu Premiu (300 € y trofeu):
“El patriota” (presentáu col nomatu “Xaranzana”)

Namás recibir l’acta, la A. VV El Hórreo (entidá organizadora) despeslló les pliques, resultando ser los autores Fernando Martínez Rodríguez, d’Avilés (primer premiu) y Paquita Suárez Coalla, de Grullos (2º premiu).

Tolos rellatos, premiaos y no premiaos, presentaránse al públicu n’una esposición al aire llibre nel parque’l Carbayedo (Fiestes de San Roque, del 17 al 19 d’Agostu). L’actu d’entrega premios, xunto cola lletura de los cuentos premiaos, fairáse’l vienres, 17, na Sala Escénica de la Factoría Cultural (Avda. Portugal, 13, Avilés), a les 19:00 hores, (xusto enantes d’entamar la obra “La criada de Tayuela”, que representa, nel mesmu llugar, el grupu de teatru asturianu “Garapiellu”).
L’A.VV. “El Hórreo”, de pasu, quier espresar el so agradecimientu a los autores que se presenten al concursu y a toles entidaes que lu sofiten espardiendu les bases y el fallu del xuráu, sin escaecer el llabor desinteresáu de los miembros d’esti y de la Estaya de la Llingua d’Avilés.

Loading Facebook Comments ...