Fernando Martínez gana’l Concursu de micro-rellatos “L’Horru del Carbayedo”

Fernando Martínez gana’l Concursu de micro-rellatos “L’Horru del Carbayedo”
07 xineru 10:00 2020 Imprimir

Fernando Martínez Rodríguez, d’Avilés, vieno acabante ganar el Concursu de micro-rellatos n’asturianu “L’Horru del Carbayedo” col cuentu “El güelu”, mentantu que Laura Marcos Domínguez, de Mieres, llograba’l segundu premiu con “L’amor perdíu”. L’actu d’entrega premios, xunto cola lletura de los cuentos premiaos, fairáse’l vienres, 10 de Xineru, na Sala Escénica de la Factoría Cultural, a les 19:00 hores.

Aconceyáu el xuráu del XIII Concursu de micro-rellatos n’asturianu “L’Horru del Carbayedo” (al marxen dafechu de l’Asociación de Vecinos El Hórreo, entidá que lu entama), y formáu por D. Miguel Solís Santos (escritor, debuxante y miembro de l’ALLA), Dª Susana Sela Rodríguez (escritora y esperta en cultura tradicional asturiana) y Dª Verónica Fueyo Alcedo (hestoriadora, investigadora na etnografía asturiana y traductora), alcordó axudicar los premios relacionaos d’arréu:
– Primer Premiu (500 € y trofeu):
“El güelu” (presentáu col nomatu “Valdesoto”)
– Segundu Premiu (300 € y trofeu):
“L’amor perdíu” (presentáu col nomatu “Nel Filo”)

Namás recibir l’acta, la A. VV El Hórreo (entidá organizadora) despeslló les pliques, resultando ser los autores Fernando Martínez Rodríguez, d’Avilés (primer premiu) y Laura Marcos Domínguez, de Mieres (2º premiu)

Tolos rellatos, premiaos y no premiaos, presentaránse al públicu n’una esposición na Factoría Cultural (Avda. Portugal, 13, Avilés), del 8 al 10 de Xineru de 2020. L’actu d’entrega premios, xunto cola lletura de los cuentos premiaos, fairáse’l vienres, 10 de Xineru, na Sala Escénica de la Factoría Cultural, a les 19:00 hores, (xusto enantes d’entamar la obra “Cipriano, cura de pueblu”, que presenta de secute, nel mesmu llugar, el grupu de teatru Carbayín, col sofitu de la Estaya de Normalización Llingüística del Conceyu d’Avilés).

Col aquel d’animar a la creación lliteraria en llingua asturiana, l’Asociación de Vecinos El Hórreo del Carbayedo entama cada añu’l Concursu de microrlleatos n’asturianu «L’Horru del Carbayedo», en collaboración cola Estaya de Normalización Llingüística del Conceyu d’Avilés, dependiende del Serviciu de Promoción Cultural de la Conceyalía de Cultura, y col sofitu del Conceyu d’Avilés,.

Al concursu puen presentase hasta dos rellatos orixinales, que nun se presentaren n’ediciones anteriores y que nun pasen de les 500 pallabres. La temática ye llibre, pero la redacción tendrá de respetar les normes ortográfiques y gramaticales marcaes pola Academia de la Llingua Asturiana

  Categories:
Loading Facebook Comments ...