Fernando Alonso ganó’l so segundu Campeonatu del Mundu de Fórmula 1

21 ochobre 23:21 2006 Imprimir

El pilotu asturianu de Renault proclamóse campeón del mundu de Fórmula 1 por segunda vegada al acabar segundu nel Gran Premiu de Brasil, revalidando’l títulu qu’algamara la temporada pasada nel mesmu circuitu que güei, Interlagos, onde’l brasileñu Felipe Massa impúsose nun trunfu hestóricu.
L’asturianu algama un campeonatu bien peláu al pilotu de Ferrari Michael Schumacher, qu’abandona la competición depués de convertise nel meyor pilotu de la hestoria, y qu’acabara cuartu nesti Gran Premiu de Brasil y segundu nel Campeonatu Mundial.
El pilotu alemán, siete vegaes campeón del mundu, foi’l máximu rival de Fernando Alonso, qu’hasta la cabera vuelta d’esti Mundial, nun selló’l so títulu. Fernando Alonso va correr la siguiente temporada en McLaren-Mercedes, onde tamién va llevar el númeru 1, el númeru de los campeones.

  Categories:
Loading Facebook Comments ...