ConceyosLliteratura Fame Poétika presenta los poemarios de Nacho Vegas y Alejandro Simón Partal by redacción asturnews 31 de mayu, 2017 written by redacción asturnews 31 de mayu, 2017 133 El colectivu de poesía Fame Poétika va tar en Xixón esti primeru de xunu, nel café -llibrería “Toma 3” acompañáu del cantautor Nacho Vegas y del filólogu y poeta Alejandro Simón Partal, col envís de presentar los sos nuevos poemarios: “Renaudación de hostilidades” y “La fuerza viva respectivamente”. El llocal qu’escoyeren pal actu ye’l café -llibrería “Toma 3” (C/ Marqués de Casa Valdés, 27), ún de los llocales de referencia pa la cultura xixoniega. En pallabres del encargáu de la presentación Nacho Wings: “Pa min ye too un hono tar nuna mesma mesa con Nacho Vegas ya Alejandro Simón presentando los sos llibros con Fame Poétika. Dos escritores a los qu’almiro muncho y que son, ensin dulda, de los meyores del país”. Dicha presentación dirá precedida d’una timba poética, ye decir, un micro abiertu a tola xente que quiera averase a lleer los sos poemes. La timba poética, qu’entamará una vez acabada la presentación el breve conciertu, tará coordinada pol poeta Inaciu Galán, ún de los poetes mozos más activos d’Asturies. Y podrán apuntase toles persones que lo deseen, especialmente les que quieran lleer testos propios, anque esto nun ye fundamental. Como ye vezu, nesti tipu d’eventos, agradécense les participaciones ya seya de músicos, poetes o artistes de tou tipu que quieran acercase a esti puntu d’alcuentru pal arte en direutu. Pa los que quieran apuntase, pueden comunicalo al travíes de les sos plataformes y redes sociales (Facebook, Twitter, Instagram, Gmail…), toes col nome de colectivu: Fame Poétika. O tamién pueden acutar sitiu, diendo direutamente al llocal, un poco enantes de les 21 hores, hora d’entamu de la presentación. 0 FacebookTwitterPinterestEmail Anterior Educación abona’l presupuestu añal a los centros tres les quexes pol retrasu siguiente L’adicción al móvil xorrez en tol mundu Tamién te podria gustar Iniciativa pol Asturianu y Barbón desixen a Adif... Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La llangreana Beatriz Quintana gana’l premiu de narrativa... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...