Falleció l’académicu Félix Ferreiro a los 78 años

by redacción asturnews | julio 28, 2019 7:55 pm

Esti dominugu, tuvo llugar a les dos de la tarde nel tanatoriu Ciudá d’Uviéu la incineración del cuerpu ensin vida del académicu correspondiente de l’Academia de la Llingua, Félix Ferreiro Currás. Coautor con Pablo Manzano y Urbano Rodríguez del primer manual d’asturianu qu’aportó a les ecueles d’Asturies, trabayó abondos años como xefe del Serviviu de Política Llingüística del Principáu.

Esti vienres conocíase’l fallecimientu a los 78 años d’edá del académicu correspondiente de l’ALLA Félix Ferreiro Currás. autor de dellos estudios sobro l’asturianu y testos en gallego-asturianu, amás del ‘Diccionariu básicu de la llingua asturiana’ que tuvo delles ediciones. Tamién ye autor del manual Reciella’, que fizo Pablo Xuan Manzano y urbano Rodríguez y convirtióse d’oficiu nel primer llibru de testu d’asturianu. Amás foi unu de los responsables de la nacencia en 1989 de revistir ‘Rei llagartu’, qu’anque primero tuvo dedicada puramente a la lliteratura, amplióse darréu al arte polo xeneral, siendo mientres más de diez años referencia cultural bien nomada.

Félix Ferreiro foi tamién xefe del Serviciu de Política Llingüística del Principáu y xefe del serviciu de coordinación del Plan Rexonal sobro Drogues, sollertando siempres que-y yera posible de los riesgos del consumu d’estupefacientes y tempranu entamu de los mozos nel consumu d’alcohol y drogues, poniendo en marcha distintes iniciatives. El so trabayu nesta materia llevolu a ser premiáu cola Cruz Blanca de la Orde al Méritu del Plan Nacional sobro Drogues, nel añu 2008.

El funeral fadráse’l LLUNES, día 29 de xunetu a la UNA de la tarde na Basílica San Xuan el Real (Uviéu).

Source URL: http://asturnews.com/fallecio-lacademicu-felix-ferreiro-a-los-78-anos/