Portada Música Falanoncaduca pieslla la primer selmana de cursos de la UABRA

Falanoncaduca pieslla la primer selmana de cursos de la UABRA

by asturnet

Los XXVIII Cursos de Branu de l’ALLA, asitiada esti añu dientro de la Universidá Asturiana de Branu (UABRA), van pesllar mañana la primer selmana d’actividaes con un conciertu del grupu Falanoncaduca. L’actividá va celebrase na discoteca Zaycor de Cangas del Narcea de magar les siete la tarde y n’ella, el grupu va presentar el so repertoriu, qu’asitien no que llamen “Mecigayu sound”.

Formada en 2007, Falanoncaduca ye una banda nacida de la unión de dellos músicos mozos de L.lena, Uviéu y Xixón. Autodefinen el so estilu como “Mecigayu Son”, una mestura de soníos que van del rock a los ritmos llatinos, ensin escaecer el ska o’l folk astur. Cola reivindicación siempre presente nes sos lletres, editaron en 2009 la maqueta “En llingua afilada” y yá tienen pisao abondos escenarios de dientro y fuera d’Asturies.

El grupu va tar ceo tamién na “Nueche Astur-Romana” de Carabanzo, llevando’l so folixeru directu.

http://www.myspace.com/falanoncaduca

Tamién te podria gustar