ConceyosMúsica Factoría Sound pieslla l’añu con 4 conciertos hasta avientu by redacción asturnews 17 de setiembre, 2021 written by redacción asturnews 17 de setiembre, 2021 3,2K Dempués del ésitu n’agostu al campu con ocho conciertos per tolo alto, Factoría Sound torna al so formatu tradicional, so techu, y pieslla’l 2021 cola programación de cuatro recitales dende setiembre a Avientu. En dos escenarios, el del Auditoriu de la Casa de Cultura y la Sala Escénica de la Factoría Cultural. El meyor rock sirvíu en distintos platos, con aderezos que van dende’l heavy a la sicodelia o’l folk, y ensin escaecer l’American Music, unu de los xéneros más queríos pol públicu d’un ciclu que convirtió a Avilés en referente musical nel norte d’España. Van abrir fueu dende l’escenariu de la Factoría los gallegos Moura. Una conxunción de músicos de talentu provenientes d’otres bandes galaiques qu’abracen el folk con una dosis de potencia rock poques vegaes vista, el sábadu 25 de setiembre. Pa entamar ochobre, el públicu de la Factoría va poder asistir el vienres 1 a un acontecimientu esclusivu, la vuelta a los escenarios d’una de les bandes más mítiques del heavy sicodélicu n’España, los asturianos Amon Ra. Na Casa de Cultura. Tamién dende Asturies, pero colos postulaos d’un rock libérrimo, cañero y sobresaliente en directu, los Mad Rovers van actuar coles mesmes na Casa de Cultura, el vienres 29 d’ochobre. Y el encargáu de cerrar l’añu de Factoría va ser un cantautor francocanadiense qu’alimenta la so música colo meyor del delta del Missisipi, onde conflúin les riques agües de l’Americana Music. Tratar de Theo Lawrence, el sábadu 4 d’avientu na Factoría. Les entraes para caúna de les actuaciones, con un preciu de 10 euros en vienta antemanada y 12 el día del conciertu, pueden adquirise nos calces habituales, les taquilles de la Casa de Cultura y la web https://entraes.liberbank.es/palaciovaldes. Tolos conciertos van tener llugar a les 21.00 hores, tantu na Factoría como na Casa de Cultura, con apertura de les puertes para aportar a dambes cortiles a les 20.00 hores. Programa 25 de setiembre, 21.00 hores. Factoría Cultural. Moura 1 d’ochobre, 21.00 hores. Casa de Cultura. Amon Ra 29 d’ochobre, 21.00 hores. Casa de Cultura. Mad Rovers 4 d’avientu, 21.00 hores. Factoría Cultural. Theo Lawrence 0 FacebookTwitterPinterestEmail Anterior Centros sociales d’Uviéu estrenen un programa pionero y gratuitu de refuerzu educativu siguiente Educación publica los díes non lectivos en cada conceyu Tamién te podria gustar Iniciativa pol Asturianu y Barbón desixen a Adif... Semando Son amuesa’l nuevu folk asturiano L’Atles llingüísticu del Navia-Eo ponse n’accesu llibre El Trasiegu Fest va tener un mercáu con... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Algaire repite l’éxitu del 2022 en Lorient Ventanielles y Guillén Lafuerza van ser una “Fábrica... La Banda Gaites de Castrillón ufrió’l so repertoriu... Fitoria torna nueve años depués a brillar en...