Factoría Sound busca fecha pal conciertu de Tami Neilson

Factoría Sound busca nueva fecha para’l conciertu de Tami Neilson, que suspende la so xira europea. La estrella del country viose obligada a atayar tolos sos recitales nel continente “por cuenta de la espansión del COVID 19 y l’incertidume de los viaxes internacionales”.

Aquellos que mercaron les sos entraes de forma telemática van ser reembolsados automáticamente, quien les adquirieron en taquilla van poder recibir l’importe na Casa de Cultura a partir del llunes 16.

Factoría Sound trabaya n’atopar una nueva fecha para la celebración del conciertu de la estrella del country Tami Neilson, previstu n’Avilés para’l vienres 27 de marzu, y que se vio obligada a suspender tola so xira europea por causa de la crisis del coronavirus. “Por cuenta de la espansión del COVID 19 y l’incertidume de los viaxes, vemos obligaos a atayar la so xira europea. Tami ta fundida por nun poder actuar pa los sos fans en Francia, España y Dinamarca, y espera tener la oportunidá de volver asina los conciertos puedan ser reprogramados”, espliquen los managers de la cantante.

Neilson, considerada una de les más grandes voces de l’americana music, había escosao va delles selmanes toles entraes para’l so conciertu avilesín. Factoría Sound va devolver la so importe a toos el compradores. Quien les adquirieron vía telemática van recibir la devolución de forma automática. Quien les mercaron de forma presencial, tendrán d’allegar a la Casa de Cultura a partir d’esti llunes, día 16, y van recibir el reembolsu.

Tantu Factoría Sound como los axentes de la cantante busquen una nueva fecha na que realizar el conciertu, en cuanto déanse les condiciones fayadices y pueda retomar la so xira Europea. N’España, Neilson tenía alcordaos recitales en Madrid, Bilbao, Vitoria y Zaragoza, amás d’Avilés.