Portada Tecnoloxía Facebook enfrentase a multes billonaries por violar la privacidá

Facebook enfrentase a multes billonaries por violar la privacidá

by redacción asturnews

Facebook podría enfrentase a una sanción de 2 billones de dólares si finalmente se pudiere demostrar que los datos de 50 millones de los sos usuarios fueron utilizaos de forma irregular pola empresa Cam­bridge Analytica pa sofitar la campaña de Donald Trump nel 2016.

La Federal Trade Comission (FTC), autoridá de competencia d’Estaos Xuníos, investiga si ­Facebook incumplió l’alcuerdu sobro la privacidá de los datos de los usuarios que roblaron nel 2011; Facebook asegura que nun violó l’alcuerdu, pero si la in­vestigación demostrar, la multa podría xubir a 40.000 dólares per usuariu. El casu afecta a 50 millones d’usuarios.

Facebook espera recibir los pidimientos d’información per parte de la FTC: “Siguimos comprometíos na protección de la información de les persones”, dixo Rob Sherman, el xefe de privacidá del grupu nun comunicáu.

Les fiscalíes de Nueva York, Massachusetts y New Xerséi yá anunciaron investigaciones pa saber si Facebook fracasó na protección de la privacidá de los ciudadanos nos sos Estaos. Ta entá por ver l’algame que va tener esti escándalu. Nes últimes hores yá se presentaron siquier dos demandes n’Estaos Xuníos d’usuarios que reclamen polos daños causaos al nun ser Facebook capaz de protexer los sos datos.

Pero amás, esta crisis amenacia tamién con marcar un antes y un dempués nel enfotu de los consumidores nes empreses tecnolóxiques y nun modelu de negociu basáu nos datos. El datagate ye la gota qu’apinó’l vasu. Tábamos alvertíos desque aprució’l fenómenu de les redes sociales: si’l serviciu ye gratis, el productu yes el to. L’alderique de la privacidá nes redes va in crescendo dende va años, y topeta cola evidencia de que ye inútil poner puertes al campu (tecnolóxicu). Pero tou tien una llende, y quiciabes Facebook foi demasiao llueñe. L’escándalu españa la mesma selmana na qu’un coche autónomu de Uber mató a un peatón. La primer víctima de Uber, otra de les empreses tecnolóxiques que se proponen liderar dende Silicon Valley un nuevu orde mundial.

Cada vegada son más voces les que sollerten qu’a Mark Zuckerberg y compañía’l futuru fóise-yos de les manos. El cofundador de Whats­App, Brian Acton, tuiteó la medianueche del miércoles: “ It is time. deletefacebook”. (Facebook adquirió WhatsApp nel 2014 por 20.000 millones de dólares. Acton dexó’l grupu nel 2017). Acton aportunaba en Twitter: “ Delete. Forget it. Now’s the time to care about privacy”. Aína  deletefacebook convertir en trending topic.

Si fuera un país, colos sos 2.000 millones d’usuarios, Facebook sería’l país más pobláu del mundu. Nel 2017, Facebook rexistró unos ingresos de 27.640 millones de dólares y un beneficiu netu de 10.220 millones de dólares.

 

Tamién te podria gustar