Facebook censuró por pornográfica una escultura de la Edá de Piedra

Facebook censuró por pornográfica una escultura de la Edá de Piedra
01 marzu 20:13 2018 Imprimir

Los exemplos de censura en Facebook paecen nun tener fin. L’últimu casu en sumase a la llarga llista ye la Venus de Willendorf, una escultura de la edá de piedra de más de 30.000 años d’antigüedá. Esta selmana, la rede social, tuvo de pidir disculpes por censurar una semeya d’esa venus.

La obra, que forma parte de la colección del Muséu d’Hestoria Natural de Viena, foi censurada por conteníu “desaveniente” dempués de que Laura Ghianda, una “artivista”, según considérase ella mesma, publicara una imaxe de la escultura na popular rede social.

El casu produciose’l pasáu mes d’avientu y, a pesar de los intentos de Ghianda por que Facebook diera marcha tras no que consideraba un erru, enagora nun lo consiguió. Tres los sos intentos, ella mesma empecipió una campaña que dos meses dempués sigue provocando reacciones.

La escultura foi atopada en 1908 barganal de Willendorf, n’Austria. La venus representa una muyer desnuda, de más de 10 centímetros d’altu y casi 6 d’anchu, con una circunferencia de 15 centímetros. Un símbolu de fertilidá que se xune a la llista de censures en Facebook.

  Categories: