Excena trai “Adiós, Peter Pan” con Festuc Teatre

Esti martes 21 d’avientu de 2021 a les 18 nel Centru Municipal Integráu El Llanu va ufrir la representación de “Adiós, Peter Pan” con Festuc Teatre, dientro del programa Excena.

María ye una neña con una imaxinación desbordante a la que-y encanten los cuentos; ente los sos preferíos ta “Peter Pan” el cual el so abuelito cúntalu con verdadera pasión.

Y como asocede nos cuentos, la nueche dacuando treslládanos a llugares máxicos: los Neños Perdíos van llevar a María dende la so habitación escontra’l País de Nunca enxamás. Y va ser entós cuando les aventures va vivir en primer persona. Los pirates, Campaniella, los indios y tol imaxinariu qu’escribió James Matthew Barrie van pasar a formar parte de la so realidá.

Un cuentu d’agora y de siempre pa esfrutalo na familia.