Portada Conceyos Eva Tejedor ya Irene Sierra algamen los premios de Percusión “Manegueru de Nava”

Eva Tejedor ya Irene Sierra algamen los premios de Percusión “Manegueru de Nava”

by redacción asturnews

Eva Tejedor ya Irene Sierra algamen los premios de Percusión tradicional “Manegueru de Nava” que concede tolos años la Escuela Municipal de Música de Nava.

Estos díes facíase anuncia de que, tres la valoración de delles candidatures y el consiguiente procesu d’escoyeta, alcordábase premiar nesta quinta edición del Premiu de Percusión tradicional “Manegueru de Nava” a Irene Sierra y Eva Tejedor.

Irene Sierra Herrero, “Irene d’anxelu”, que naciere en Tresmonte, en Cangas, algamaba’l premiu pol so llabor de caltenimientu y espardimientu de les costumes populares, rescampñando como facedora de panderos.

Eva Tejedor Mier, nacía n’Avilés, foi escoyida pol so facer como percusionista y mayormente no tocántenes a la tradición de la pandereta, rescamplando’l so llabor como caltenedora y tresmisora dela tradición a les nueves xeneraciones de músicos asturianos.

El premiu entregaráse nel actu que se fadrá na Plaza Manuel Uría de Nava, dientro’l marcu del XLI Festival de la sidra de nava, el vienres 6 de xunetu, a les seis de la tarde. El xuráu especializáu taba formáu por Julio Sánchez-Adrade, Juan Alfonso Fernández García, Flavio Rodríguez Benito, Alberto Rodríguez Alonso y david Varela Blanco.

Tamién te podria gustar