Portada Tecnoloxía Euskadi crea una les impresores 3D más avanzaes del mundu

Euskadi crea una les impresores 3D más avanzaes del mundu

by redacción asturnews

El centru d’investigación Tecnalia de San Sebastián, la Universidá del País Vascu (UPV) y la empresa Ibarmia desenvolvieron n’Euskadi una les impresores industriales en 3D más avanzaes del mundu, al combinar nuna mesma máquina híbrida” el procesu de fabricación aditiva de pieces y la so mecanizado.

La máquina, denominada Add+Process, ta llamada a revolucionar la industria abriendo un ampliu abanicu de posibilidaes pal mundu del diseñu y la fabricación entá por esquizar, aseguraron na presentación los sos ceadores. La impresora ye capaz de fabricar prototipos y pieces de grandes dimensiones, d’hasta 1,6 metros de llargor, lo mesmo que de reparar pieces d’altu valor pa sectores como’l de la automoción, l’aeronáuticu, oil-gas o la máquina-ferramienta.

La máquina incorpora les tecnoloxíes de adición por láser y dexa tamién el fresáu y torniamientu de pieces a gran escala. El so funcionamientu consiste básicamente en manipoliar material a escala micrométrica y depositalo de forma precisa hasta construyir un sólidu. D’esta miente, sustitúyense los procesos tradicionales que parten d’un bloque de material del cual esaníciase por aciu mecanizado intensivu tou la demasía hasta faer apaecer la pieza deseyada.

Frente a les tecnoloxíes convencionales, la tecnoloxía aditiva apurre’l material mínimo, lo que supon un aforru de materiales y enerxía, en dellos casos, d’hasta’l 60%. Amás, la manipulación del material a escala micro dexa superar les actuales llendes nel diseñu impuestos pola fabricación convencional, con pieces de xeometríes, testures y detalles imposibles de fabricar polos métodos actuales.

La máquina Add+Process foi presentada mientres la pasada feria EMO de Milán y va tar al serviciu de les empreses nes instalaciones de Tecnalia nel Parque Tecnolóxicu de San Sebastián.

Tamién te podria gustar