Europa Equí ufierta sesiones informatives y talleres al traviés de les redes

Europa Equí ufierta sesiones informatives y talleres al traviés de les redes
02 abril 13:24 2020 Imprimir

Mientres el confinamientu, na so páxina de Facebook “Europa Aqui” y la cuenta de Instagram @elpatioaviles. van desenvolvese los miércoles y los vienres a les 12:30 hores, y van permanecer disponibles mientres el restu del día para quien nun pueda siguiles en directu.

La Oficina de Movilidá Xuvenil Internacional “Europa Aqui” va ufiertar mientres les próximes selmanes de confinamientu delles actividaes rellacionaes cola movilidá internacional al traviés de les sos redes sociales.

Les actividaes desenvolveránse los miércoles y los vienres a les 12:30 hores dende la so páxina de Facebook “Europa Equí” y la cuenta de Instagram elpatioaviles. Van Permanecer disponibles para’l so visualización mientres el restu del día para aquelles persones que nun pudieren conectase a la hora.

Les actividaes propuestes son les siguientes:

Miércoles 1 d’abril: Sesión informativa sobro’l programa de voluntariáu internacional Cuerpu Européu de Solidaridá.
Vienres 3 d’abril: Taller de curriculum y carta de motivación pa participar n’actividaes voluntaries.
Miércoles 8 d’abril : Cómo utilizar el portal del Cuerpu Européu de Solidaridá.
Vienres 10 d’abril: Cursu exprés d’alemán y árabe.

Amás, mientres estes selmanes de confinamientu, Europa Equí sigue disponible de manera telemática pa responder a toles duldes rellacionaes con oportunidaes de movilidá Europea pa moces al traviés del mail europaquigmail.com.

  Categories: