“Europa Equí” d’Avilés ufierta dos places en proyectos de voluntariáu pa mozos en Croacia y Portugal

“Europa Equí” d’Avilés ufierta dos places en proyectos de voluntariáu pa mozos en Croacia y Portugal
16 agostu 18:12 2020 Imprimir

“Europa Equí” d’Avilés ufierta dos places en proyectos de voluntariáu pa mozos en Croacia y Portugal que van entamar na seronda y van tener una duración de seis y diez meses. Los proyectos van tener llugar en Labin (Croacia) y Viana do Castelo (Portugal).

Empobináu a persones d’ente 18 y 30 años, residentes n’Asturies, que puedan comunicase n’inglés de forma básica. Pa inscribise, ye necesariu unviar el CV n’inglés al corréu electrónicu europaqui@gmail.com antes del 19 d’agostu.

La Oficina de Movilidá Xuvenil Internacional d’Avilés, “Europa Equí”, busca a dos persones, d’ente 18 y 30 años, pa participar en dos proyectos de Serviciu Voluntariu Européu esta seronda. Los proyectos van llevar a cabu en Labin, Croacia y en Viana do Castelo, Portugal Act Together va desenvolver en Labin (Croacia) y va empezar a finales de setiembre de 2020 con una duración de 6 meses. La persona voluntaria va collaborar cola asociación Alfa Albona sofitando actividaes deportives, culturales y artístiques con moces de la ciudá. Amás, parte del proyectu tien como oxetivu ameyorar la conciencia medioambiental de los mozos en Labin, polo que tamién se desenvolverán actividaes en redol a esta temática.

El proyectu Surf, health and sustainability va desenvolvese en Viana do Castelo, al norte de Portugal; va empezar n’ochobre y va tener una duración de 10 meses. Nesti casu, la persona escoyida va collaborar cola escuela Surf Clube de Viana realizando llabores de sofitu nes clases de surf y bodyboard, actividaes pa la protección marina y otres actividaes deportives. Tamién va crear newsletters y va ufiertar ayuda nes actividaes de surf adaptativu pa persones con discapacidá. Les persones interesaes en participar en dalgún de los proyectos tendrán d’unviar el so CV n’inglés a europaquigmail.com. El plazu de recepción de solicitúes remata’l 19 d’agostu.

Toos estos proyectos tán subvencionaos pol programa européu de movilidad Cuerpo Européu de Solidaridá. Les persones escoyíes van recibir xuna beca pa gastos de viaxe, van tener cubiertos los gastos d’agospiamientu, mantención y seguro de viaxe. Amás, van recibir xuna dotación mensual pa los sos gastos personales. Les organizaciones participantes nel programa Cuerpu Européu de Solidaridá cumplen les normes sanitaries y los protocolos de prevención del COVID-19 en cada unu de los países d’acoyida.

  Categories: