Eugenia Manzanera trai “Pela Boca ¿Muerre El Pexe?” al Programa EXCENA

29 setiembre 12:05 2022 Imprimir

Eugenia Manzanera trai “Pela Boca ¿Muerre El Pexe?” al Programa EXCENA nel Centru Municipal Integráu Atenéu de La Calzada, en Xixón, esti xueves 29 de setiembre a les 19:30.

Nella pueden atopar el proyectu personal d’una artista de la palabra y del xestu (narradora, arteducadora, actriz, payasa…). El so trabayu consiste en comunicar faciendo espectáculos teatrales, cuntando hestories, impartiendo talleres… imaxinando proyectos que dan siempres enforma que xugar.

Pela boca ¿muerre’l pexe? O seique afuégase por non dicir lo que piensa…¿? ¿Tamos meyor calladitos o diciendo lo primero que se nos pasa pola mente? …somórguiate con Eugenia Manzanera nesti mar d’hestories onde toos nos sentiremos como pexe na agua. Hestories risonderes, esbarriaes, poétiques…con un toque d’ironía. Metáfores d’una vida contaes con agalles… (de pexe…para nun afoganos).

Centru Municipal Integráu Atenéu de La Calzada, Xixón
29 de setiembre de 2022 a les 19:30

  Categories: