Portada Educación Estudiar online: una alternativa nos tiempos del coronavirus

Estudiar online: una alternativa nos tiempos del coronavirus

by redacción asturnews
Foto: amika san (https://www.flickr.com/photos/amika_san/)

La educación online ganó credibilidá como forma alternativa y complementaria a la presencial cuando se tuvieron qu’encarar situaciones crítiques y la que tamos sofriendo nestos díes ye otra que va facer espolletar esta forma d’educación na sociedá la información.

Igual que nos Estaos Xuníos los materiales dixitales dieron un saltu cualitativu cuando la Johns Hopkins University nun podía realizar autopsies formatives por causa de la escasez de cuerpos, y les simulaciones multimedia resolvieron el problema, convirtiéndose n’una clara y bien válida alternativa. O como cuando en Canadá, la University of British Columbia decidió migrar una serie d’asignatures a la enseñanza online para poder resolver los problemes de tránsitu de la ciudá de Vancouver n’hores punta d’entrada na universidá, asitiada nun istmu que la so entrada conecta directamente cola mayor arteria circulatoria de la ciudá. El COVID-19, el coronavirus que nos ta poniendo en xaque, apaez como un retu al que la educación en llínea va deber, probablemente, enfrentase.

Hai quien se pregunta si la educación online ye la solución. Ye probable que nun sía la única, pero ye una solución. Técnicamente, ye muncho más posible de lo que dalgunos s’imaxinen. N’España hai universidaes en llínea d’un altu nivel cualitativu, ente les que podríamos destacar la UOC o la UNED, y universidaes presenciales con capacidá pa tresformar la enseñanza presencial en online. Sicasí, el retu que se plantega nun ye faelo, sinón faelo bien y de manera efectiva. Por que tola ufierta educativa tenga un altu nivel calidable, ye necesariu un nivel de capacitación y esperiencia notable.

Dacuando entiéndese la educación online de forma bien simplaya. Piénsase que con solo sustituyir el mediu (presencial) por otru tecnolóxicu (plataforma, vídeu, etc.) yá ye abondu. Eso demuestra un fondu desconocimientu de lo que significa la educación online calidable. Quién piense que grabando les clases maxistrales del profesoráu yá tien un cursu online, ye que nun sabe lo que ye la verdadera educación online. La que resulta verdaderamente efectiva ye la que se basa na xeneración d’interacciones y mediaciones ente estudiantes y profesores, l’usu de recursos dixitales d’alta calidá pedagóxica (dende vídeos a simulaciones, llegando hasta la realidá virtual) y el trabayu n’equipu de docentes y estudiantes, a partir d’un diseñu educativu de cada cursu con un altu grau de consistencia. Nun ye xuna cuestión puramente tecnolóxica. La tecnoloxía ye’l soporte, el modelu pedagóxicu ye’l valor clave.

Les universidaes españoles, presenciales y online, podríen que llegar a alcuerdos pa trabayar conxuntamente y ufiertar al país una educación online de verdadera calidá.

Tamién te podria gustar