Estrenu en La Pola del Grupu de Teatru Carbayín

18 avientu 14:03 2018 Imprimir

El Grupu de Teatru Carbayín va poner n’escena esti martes “Tu, yo y el vecín”, a les 20.30 hores, nel Teatru Auditoriu de La Pola Siero.

Elva y Xuacu tán pasando una crisis matrimonial que los ta llevando a daqué impensable pa la dómina: la separación. El so vecín, con tola so bona voluntá ta intentando evitar esta separación ya intentando entender los motivos.

A lo llargo de la obra van dir recordando fragmentos de la so relación, tanto de solteros como de casaos, y afayando onde foi fallando’l matrimoniu.

Los trés actores de la obra van dir tomando a lo llargo d’ella hasta 12 personaxes distintos, que van amosar cómo se vivía nuna dómina yá pasada y alloñada (postguerra).

– – – – –
Autor y director: José Ramón Oliva Parto:
José Ramón Oliva, Nati Fernández y Guillermo Suárez

  Categories:
Loading Facebook Comments ...