Portada Escéniques Estrénase en Cangas una obra de Javier Villanueva sobre’l mundu de la mina

Estrénase en Cangas una obra de Javier Villanueva sobre’l mundu de la mina

by asturnet

El Teatru Toreno de Cangas del Narcea acueye esti miércoles 14 l’estrenu de la obra “Derrabe” de Javier Villanueva a cargu de la compañía llangreana Kumen Teatru. Un accidente mineru ye’l filu conductor d’esti drama que na so puesta n’escena cuenta col acompañamientu musical de la Orquesta de Cámara del Conservatoriu del Nalón.

La trama d’esti testu de Javier Villanueva asítiase nel interior d’un pozu, onde s’asiste a los últimos minutos d’un ayudante mineru que acaba de sufrir un accidente por esplosión de grisú. El mineru col que trabaya acompáñalu, estableciéndose ente ellos una relación tremendamente emotiva, qu’apurre un dramatismu ya intensidá especial a la obra.

L’estrenu de “Derrabe” ye esti miércoles 14 a les 20.30 nel Teatru Toreno y les entraes pa la representación tán ya a la venta a un preciu de 3,25 euros.

Tamién te podria gustar