Portada Fiestes Estorga celebra’l IV Alcuentru de Cultura del Reinu de Lleón

Estorga celebra’l IV Alcuentru de Cultura del Reinu de Lleón

by asturnet

El próximu día 13 de setiembre de 2009, el domingu más cercanu al 15 de setiembre, fiesta de la Virxe del Camín, Patrona de Lleón, va celebrase n’Estorga’l IV Alcuentru de Cultura del Reinu de Lleón qu’organiza l’asociación cultural La Caleya con dellos actos alredor de la cultura popular.

A les diez de la mañana va entamar la Parva y recepción de participantes, saliendo darréu los pendones de los conceyos lleoneses. A les 11:30 va celebrase una Misa n’honor de la Patrona de la Rexón Llionesa (na parroquia de Santa Marta), volviendo dempués los pendones pa La Eragudina.

A la una abren los puestos del mercáu, onde van celebrase firmes de llibros, bailles del país y cocíu popular a les 14:30.

De tarde, a les 16:00 hores, xuegos y deportes lleoneses, llectura d’“El Prencipicu”, versión dialectal d’El Principín. A les seis, celebraráse un alcuentru de música tradicional lleonesa y un homenaxe al tamboriteru maragatu Antonio Martínez. Piésllase l’actu coles sopes d’ayu, a les 21 hores.

Tamién te podria gustar