Esti vienres, estrenu absolutu de “El Padre”, protagonizada por Héctor Alterio

Esti vienres, estrenu absolutu de “El Padre”, protagonizada por Héctor Alterio
22 abril 10:12 2016 Imprimir

El Teatru Palacio Valdés va acoyer esti vienres, 22 d’abril, l’estrenu absolutu de la obra “El Padre”, protagonizada pol actor arxentín Héctor Alterio y empobinada por José Carlos Plaza. Tratase d’una obra incluyida dientro de la sección “Teatru 2016″ del ciclu abril-xunu d’EscenAvilés.

“El padre” ye calificada por el mesmu autor, el novelista y dramaturgu francés Florian Zeller, de farsa tráxica. La perdida de la realidá debida a la vieyera como tema central asitia al espectador na perspectiva d’una mente confusa o, quiciabes, confundida polos intereses de los que lu arrodien.

Ensin faer risión enxamás el calter principal, Andrés, el personaxe al que da vida Héctor Alterio, fai reir al espectador. Les situaciones ambigues, munches  vegaes contradictories, los retruques sogonos, los personaxes duplicaos, cambiantes, y percima de too la dulda de si lo que realmente asocede ye lo que diz la familia o ye lo que siente’l padre, producen una de les obres más risonderes, apasionantes y fondes del teatru contemporaneu.

Va Ser a partir de les 20:15 hores cuando esta obra, producida por Pentación Espectáculos, llévese a escena per primer vegada coles entraes tán a la vienta a 10, 18 y 22 euros.

  Categories: