Esti vienres entama un cursu sobro “Sexualidá, convivencia y redes sociales”

by redacción asturnews | febrero 23, 2018 10:53 am

Esti vienres entama en Xixón un cursu sobro “Sexualidá, convivencia y redes sociales” pensáu pa complementar la formación de monitor/es de tiempu llibre, educadores y otros perfiles profesionales que trabayen con adolescentes.
L’eventu va desenolvese esti vienres, 23 de Febreru a les 16 hores y el sábadu 24 a les 10 y quier dar rempuesta a entrugues como. qué usos faen los y les moces de les redes sociales para rellacionase ente si, construyir la so identidá dixital, espresar les sos emociones y vivir la so relación de pareya, la so afectividá y la so sexualidá.  Nesti taller darán claves sobro toes estes cuestiones.

El programa “¡Lo que me faltaba!” ta pensáu pa complementar la formación de monitor/es de tiempu llibre, educadores y otros perfiles profesionales que trabayen con adolescentes y mozos. Tratase de talleres bien prácticos, pa dotar de ferramientes útiles nel trabayu directu con adolescencia y mocedá.

El cursu va tar impartíu pol Serviciu d’Orientación ya Información Sexual del Conceyu de Xixón/Xixón (SOISEX). SOISEX ye un serviciu d’asesoramientu personalizáu y gratuitu que te ayudar con cualquier cuestión rellacionada cola sexualidá: anticoncepción y salú sexual, relaciones de pareya, identidá y orientación, xestión de conflictos, comunicación afeutiva al traviés de redes sociales, etc.

Más información[1]

Endnotes:
  1. Más información: https://www.gijon.es/eventos/show/39268-curso-sexualidad-convivencia-y-redes-sociales

Source URL: http://asturnews.com/esti-vienres-entama-un-cursu-sobro-sexualida-convivencia-y-redes-sociales/