ConceyosMúsicaSociedá Esti sábadu 15 L’Entregu celebra’l I Festival de Cultura Urbana by redacción asturnews 10 de xunetu, 2017 written by redacción asturnews 10 de xunetu, 2017 57 L’asociación “Qun nun apare” entama’l próximu sábadu, 15 de xunetu, l’I Festival de Cultura Urbana de Samartín del Rei Aurelio, un festival nel que va haber dende actividaes deportives y musicales a amueses artístiques y que va tener como see’l colexu públicu El Cotu se L’Entregu. El Festival van anicialu los participantes del tornéu 3×3 de baloncestu na cai, nel que pa inscribise hai que contactar cola organización, vía correo electrónicu o por Facebook. A les once y media va empezar la inscripción pal “Skate game”, y a mediudía va ser la vez de la partida de bolos en modalidá de cuatriada. Media hora dempués el grupu “Seis Conceyos” va promover la participación nos xuegos tradicionales. Dende les 12 a les 13.30 hores va haber danza africana con Muévite Wapi Afro”. Al so términu podrá vese l’espectáculu “Serabalam Cirkus”. Tres un descansu para comer, a los cuatro y media van dar empiezu les finales del tornéu de baloncestu y a la mesma hora van siguir los xuegos tradicionales, va empezar la música de “Allanai sound system” y van desenvolvese otra vuelta los xuegos na zona de skate, acompañaos de talleres pa los más neños. Pa les cinco ta programada la conferencia “Cultura sound system”, cola Asociación Cultural Allanai y media hora dempués los “Gaiteros del carbón” van tocar pela zona. Yá de seis a siete y media va haber dos actividaes más: el taller de graffitti y el de risoterapia, cola Asociación “La Creatura” y “Hipnótica Teatru”, respectivamente. Poco primero de los ocho va ser la entrega de premios de les distintes actividaes, y dende les ocho hasta la una de la madrugada va celebrase’l conciertu principal del festival colos grupos “AntiStailo”, “Sebas SBS”, “K-Nalón”, “Guah.a D” y “Allanai Sound System” 0 FacebookTwitterPinterestEmail Anterior El conciertu lleidatanu de tributu a Springsteen llogra bater el récord y axunta a 1.004 voces siguiente IX aconceya col Rector y pide la firma del contratu programa a Javier Fernández Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... Semando Son amuesa’l nuevu folk asturiano L’Atles llingüísticu del Navia-Eo ponse n’accesu llibre El Trasiegu Fest va tener un mercáu con... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Algaire repite l’éxitu del 2022 en Lorient Ventanielles y Guillén Lafuerza van ser una “Fábrica...