Portada Educación Esti miércoles 30 de payares celebrose’l Día Internacional de la Ciudá Educadora

Esti miércoles 30 de payares celebrose’l Día Internacional de la Ciudá Educadora

by redacción asturnews

Con una concentración na Plaza Mayor cola actuación de Factoría Norte y Paco Abr il y una recepción na Casa Conceyu a les entidaes educadores de la ciudá, celebrose esti miércoles en Xixón el Día Internacional de la Ciudá Educadora.

La Rede de Ciudaes Educadores empecipió nel añu1990 coles mires de trabayar conjuntamente en proyectos y actividaes p’ameyorar la calidá de la educación a nivel local y darréu, en 1994,esti movimientu formalizóse como Asociación Internacional de Ciudaes Educadores. En 1994 constituyóse la Rede Estatal de Ciudaes Educadores d’España acomuñada a la de nivel internacional.

Xixón tuvo dende entós dientro d’esta rede de ciudaes col principal oxetivu d’impulsar un trabayu cooperativu y d’intercambios con otres ciudaes en temátiques relevantes pal desenvolvimientu de les polítiques educatives que podíen aplicase en Xixón. De fechu Xixón siempres tuvo un papel relevante nel ámbitu de la Educación y el Conceyu lideró munches delas acciones que contribuyeron a la meyora de la calidá de la enseñanza y nala integración de munchos axentes educativos presente na nuesa ciudá. La presencia de Xixón en redes y organizaciones educatives refuerza y sofita el desenvolvimientu d’esos oxetivos en materia educativo.

 

Tamién te podria gustar