Portada Tecnoloxía Esti mes entamen les Xornaes “La Era de los Valientes” en Xixón

Esti mes entamen les Xornaes “La Era de los Valientes” en Xixón

by redacción asturnews

Esti abril entamen les Xornaes pa persones desemplegaes que col títulu La Era de los Valientes consisten en talleres presenciales de 16 hores, un software pa diseñar la estratexa personal y siguimientu tantu presencial como al traviés d’aplicación móvil.

Esti programa va empobináu preferentemente, a les persones mayores de 45 años que s’atopen ensituación de desemplegu de llarga duración y va trabayar con dos grupos en paralelu, n’horariu de mañana y n’horariu de tardes pa facilitar la conciliación.

El proyectu va tener una duración de 8 meses d’abril a avientu y el so desenvolvimientu va ser tuteláu pol Departamentu d’Orientación Llaboral, quien va completar l’itinerariu de les persones participantes nel proyectu col restu d’acciones complementaries que dende esti serviciu ufiértense y, el Departamentu de Formación, que va dar prioridá a quien se beneficien d’esti proyectu a la de participar tantu n’acciones formatives pa l’alquisición de competencies dixitales, como n’acciones formatives que dean respuesta a la cualificación que precisen, con cuenta de que realicen un itinerariu integral d’acompañamientu p’ameyorar la so empleabilidá más allá de la finalización del mesmu.

El proyectu va sirvir como esperiencia piloto pa validar la so metodoloxía d’intervención en Xixón y pa darréu enllazar col desenvolvimientu d’un Programa d’Acompañamientu Personalizáu pal Emplegu. La proposición d’un Programa d’Acompañamientu foi aprobada por mayoría absoluta pol plenu del Conceyu’l 8 de febreru de 2017.

El proyectu a desenvolver enmárcase dientro del Alcuerdu de Concertación Social XIXÓN CREZ, que contien el Programa V.5.2 denomináu “Xenerando Oportunidaes” (dientro del subexa V.5, “Formación pal emplegu. Plan Local de Formación”de la exa V “Impulsu al Talentu y a la Meyora de la Empleabilidá de lasPersonas”). Al traviés de dichu proyectu escuerre la reorientación y toma de decisiones de persones desemplegaes con mayor dificultá d’insertamientu, ente ellos los mayores de 45 años por aciu acciones que supongan la so activación personal según un impulsu del so motivación pa reorientar les sos oportunidaes d’empleabilidá.

Tamién te podria gustar