Portada Lliteratura Esther López asoleya un llibru de relatos na variedá occidental del asturianu

Esther López asoleya un llibru de relatos na variedá occidental del asturianu

by asturnet

La escritora y acadámica Esther Lopez va presentar un llibru de relatos escritu n’asturianu occidental embaxo’l títulu “Historia de vida ya señas de muerte”, espulizáu por Madú ediciones. El llibru de la escritora de Valdés presentaráse nel IES “La Deva” de Piedras Blancas el próximu 18 d’avientu a partir de les 19,45 hores. Xunta l’autora tará’l tamién académicu Roberto González Quevedo.
El llibru ye mece rellatos de vides reales y inventaes centráu nun fondu cultural de creencies, tradiciones y mitos acerca de la muerte, que s’analiza dende la historia de les rellaciones humanes de temática amorosa o fantástica y rellatos de la muerte y de duelu nos que s’albidren les señes del otru mundu, siempre con un tastu de tristura y señaldá.
Esther López ye autora de “Didáutica y Investigación sobre llingua y cultura asturianes: llingua asturiana y praútica simulativa na EXB” amás ye la coautora de los materiales didácticos “Cuelbre” empobináu a la educación primaria y del llibru d’asturianu pa ESO Rede 1. Ente los sos trabayos lliterarios destaquen L.luribaga y Tiempu d’iviernu.

Ediciones Madú

Tamién te podria gustar