Portada Lliteratura Esther García López quedó investida doctora honoris causa

Esther García López quedó investida doctora honoris causa

by redacción asturnews

El pasáu 24 de mayu, nel Atenéu de Madrid,celebróse la ceremonia d’investidura de María Esther García López, como Doctora Honoris Causa, pol Claustru Doctoral Honoris Causa (México), nomamientu avaláu, robláu y selláu polos rectores de seis Universidaes hispanoamericanas y europeas y diez instituciones de sonadía internacional, nun actu protocolariu y emotivu, con numberosu públicu asistente.

Acompañaron a la doctora María EstherGarcía López nesta ceremonia, amás de los sos familiares, l’alcaldesa del Conceyu de Castrillón, Yasmina Triguero Estévez; l’alcalde del Conceyu de Valdés, Óscar Pérez Suárez y la conceyala Clara García Pérez.  Y tamién tuvieron presentes el presidente del Centru Asturianu de Madrid, Valentín, Martínez-Oteru; el presidente de la Federación Internacional de Centros Asturianos, Manuel de Barros; la xaponesa concertista profesional de Koto, Yoshie Sakay; la compositora asturiana Ana Vázquez Silva y  Cristina Hilario, representando a “Los Académicos de la Argamasilla” (Argamasilla de Alba (Ciudá Real), ente otros.

Según la so procedencia, los doctores pronunciaron los discursos d’investidurta, nes sos llingües: castellán, inglés, árabe (con traductor) y asturianu, llingua qu’emplegó l’académica María Esther García López.

Tamién te podria gustar