Portada Conceyos Les esposiciones “La Llámpara Máxica” y “La curva del tiempu” abren n’Uviéu

Les esposiciones “La Llámpara Máxica” y “La curva del tiempu” abren n’Uviéu

by asturnet

Les esposiciones “La Llámpara Máxica” y “La curva del tiempu” abren n’Uviéu col entamar del mes y van permanecer abiertes hasta’l 12 de xunetu.

Llugar: Sala de Exposición Borrón
Calle: Juan Benito Argüelles, nº 3
Abiertu: tolos díes, sacante sábados y festivos
Horariu de 11:00 a 14:00 y de 17:00 a 21:00 hores

La Llámpara Máxica

La instalación parte d’un únicu oxetu por alumnu común a toles árees: un pequenu concu tresparente de vidriu. La propuesta ye un analís del mesmu poles sos meres cualidaes físiques, al marxe del so funcionalidad y supon la posibilidá d’escurrir múltiples variaciones o radicales cambeos conceptuales dependiendo de qué aspeutos se prioricen, bien deteniéndonos na so forma, na tresparencia, nel diseñu, nel espaciu que toma como continente, como cobertoria,  como elementu que forma parte d’un tou etc.

Con esti planteamientu trabayar delles aptitúes mentales rellacionaes cola creatividá, como la fluidez d’idees si se prioriza la forma (pue ser unu maruxu, una camparina si-y añedo nales, un teléfonu clásicu si lo completo)  o la flexibilidá si se planteguen otros posibles usos (yá nun ye un concu, ye una cesta porque-y pongo ases)  Amás d’estes aptitúes, ye necesariu aplicar distintes mañes intelectuales y manuales necesaries para la ellaboración d’un proyectu, tales  como la realización de bocetos personales distintos a la del restu de los compañeros y l’adecuación escuédiga a les posibilidaes de los materiales, remates y acabaos.

El títulu de la esposición alude a la visión de conxuntu, variada, colorista y lluminosa pola tresparencia del oxetu escoyíu. Tres el trabayu individual, el tou remembra a los antiguos xenios que sacaben de la llámpara deseos a tropel para quien quixeren pidilos.

La curva del tiempu

Si bien la teoría de la relatividá especial de Einstein iguala la masa y l’enerxía, la teoría de la relatividá xeneral iguala tiempu y espaciu como elementos que formen parte d’un tou y que dexen la gravitación de Newton como un conceutu puramente localista a nivel de funcionalidad terrestre. Agora la masa d’un oxetu non solamente fai qu’ésti caya al  suelu como la famosa mazana, sinón que los oxetos espaciales masivos lo que faen ye intervenir na so redolada curvando l’espaciu-tiempu.

Con éses, esti conceutu paecio-yos bien interesante pola amplitú de posibilidaes plástiques que nos ufierta. Puede ser una tema apta parquien tengan especial interés pola astrofísica y la so traducción a imaxes, o si acutamos namá’l parámetru tiempu, vamos poder derivalo a cualesquier de los conceutos artísticos y personales que nos suxura. Dende la meteoroloxía a los estragos de la vida. Dende la hestoria del arte, hasta les emociones y vivencies a cualquier edá. Dende una gota d’agua llexando nel espaciu interestelar a un metrónomu marcando acompasadamente “il tempo”.

Asina que eso ye lo que ficieron: partir de la física para traducir n’obres plástiques y n’idees nuesa mínima contribución a la combadura del espaciu-tiempu.

Tamién te podria gustar