Portada Plástiques Esposición d’Amalia Rodríguez Ulman nel Astragal del Conseyu de la Mocedá de Xixón

Esposición d’Amalia Rodríguez Ulman nel Astragal del Conseyu de la Mocedá de Xixón

by asturnet

Amalia Rodríguez Ulman, tien abierta la esposición “Bien aprés les jours et les soisons”, ún de los proyectos ganadores del Premiu Astragal 2008, nel Espaciu Astragal del Conseyu de la Mocedá de Xixón (Cai Manuel Llaneza, 66, Xixón) dende la selmana pasada.

El Premiu Astragal, inscritu dientro del Programa Culturaquí, ta concibíu pa dar cabida a proyectos artísticos ideaos específicamente pa la Sala d’esposiciones del Conseyu de Mocedá de Xixón y la so interacción cola ciudá onde ta allugada. A esta edición concurrieron un total de nueve proyectos artísticos.

El xuráu del IX Premiu Astragal, organizáu pol Institutu Asturianu de la Mocedá en collaboración col Conseyu de Mocedá de Xixón, otorgó los premios a los proyectos En_medio, d’Ignacio Quesada de la Fuente, y Bien aprés les jours et les soisons, d’Amalia Rodríguez Ulman. Caún d’ellos recibió en conceptu de premiu 8.000 euros, colos que teníen que producir los proyectos y editar los catálogos.

Amalia Rodríguez Ulman (Xixón, 1989), estudiante de la escuela d’arte Saint Martins de Londres, fixo cursos de pintura, cerámica y diseñu gráficu y trabayó como asistente de semeya pa la esposición de LABoral “Melody Fair”. Recibió’l primer premiu nel concursu de logotipos de la Universidá Llaboral (2007) y el primeru nel certame de semeya de los Premios Primavera del Ateneo Jovellanos (2006). “Bien après les jours et les saisons”, el proyectu d’Amalia Rodríguez Ulman, avérase, al traviés d’una instalación audiovisual y escultórica, a los vecinos mayores del barriu xixonés de Cimavilla, onde vive.

Tamién te podria gustar