Espertos analizaron la “Hestoria Social de Ensidesa” nun coloquiu

Espertos analizaron la “Hestoria Social de Ensidesa” nun coloquiu
16 avientu 09:59 2021 Imprimir

El coloquiu “Historia Social de Ensidesa” que tuvi llugar ayeri, a les 18 hores, nel Muséu de la Hestoria Urbana d’Avilés sirvió pa facer un analís de  la “Hestoria Social de Ensidesa”. L’eventu forma parte del ciclu PADEMA, “Patrimoniu del ayeri, desenvolvimientu de la mañana” qu’entama n’Avilés la Fundación de Trabayadores de la Siderurxa Integral.

Nel alcuentru intervinieron Enrique Antuña, historiador y escritor de publicaciones referentes a Ensidesa, José Federico Palacios, trabayador de Ensidesa y ArcelorMittal, Paz Álvarez, familiar de trabayador de la empresa siderúrxica y conocedora de la hestoria social avilesina y Manuel Ángel Hidalgo Menéndez, xefe de la sección Cultura del Conceyu d’Avilés.

Foi la postrera de les charres que componen el programa, qu’empecipió’l pasáu 23 de payares nel Centru Social de Llaranes con “De Ensidesa a l’actual ArcelorMittal” y siguió el 1 d’avientu nel Centru Cultural Oscar Niemeyer con “La construcción de Ensidesa”.

  Categories: