España ye’l tercer país de la UE onde se realicen más cursos en llínea

by redacción asturnews | mayo 22, 2020 9:31 am

Según dellos estudios internacionales, l’interés pola formación en llínea xorreció demientres el confinamientu a nivel internacional y n’España supunxo algamar el tercer puestu ente los países de la UE onde se realicen más cursos en llínea.

El zarru de centros educativos y de formación foi una de les midíes que tomaron munchos gobiernos del mundu con cuenta de contener l’espardimientu del coronavirus. Énte ello, l’aprendizaxe a distancia alzóse mientres esta crisis, na que s’afala a la población a llindar los sos contactos sociales na midida de lo posible, como xuna alternativa segura pa toes aquelles persones que quieren o precisen siguir formándose.

Según dellos estudios, l’interés pola formación en llínea creció mientres el confinamientu a nivel internacional y n’España. Yá en 2019, antes de la epidemia, esti últimu país yera’l tercer país de la Unión Europea onde los cursos a distancia yeren más populares, tal que recueye una encuesta publicada por Eurostat. El 15% de el españoles encuestaos aseguraba entós realizar un cursu de forma remota nos postreros trés meses. Nel casu de la Unión Europea (ensin cuntar Reinu Xuníu), la cifra yera abondo inferior, esta del 8%.

Ente los Estaos miembros de la UE onde los cursos en llínea fueron más populares en 2019, destaquen los países nórdicos Finlandia y Suecia. Un 21% de los encuestaos finlandeses fixo un cursu online nos postreros trés meses, ente que en Suecia esti porcentaxe foi del 18%. Sicasí, la realización de cursos a distancia nun yera bien común en países como Letonia (4%) o Bulgaria (2%).

Fuente: https://es.statista.com[1]

Endnotes:
  1. https://es.statista.com: https://es.statista.com/grafico/21745/porcentaje-de-personas-que-han-realizado-un-curso-en-linea-en-los-ultimos-3-meses-en-paises-seleccionados/

Source URL: http://asturnews.com/espana-yel-tercer-pais-de-la-ue-onde-se-realicen-mas-cursos-en-llinea/