España ye’l primer destín Erasmus, pero cai al tercer puestu na unviada d’estudiantes

España ye’l primer destín Erasmus, pero cai al tercer puestu na unviada d’estudiantes
01 febreru 12:13 2017 Imprimir

España caltiense nel cursu 2014-2015 como primer destín Erasmus, anque perdió’l primer puestu en númberu d’estudiantes unviaos a otros países por detrás de franceses y alemanes, según anunció la Comisión Europea.

La presentación del informe Erasmus 2015 enmarcose nos actos previstos per Bruxeles pa conmemorar el 30 aniversariu d’esti programa d’intercambiu, “el más conocíu y el más esitosu del procesu d’integración europea”, en palabres del comisariu européu d’Educación, Tibor Navracsics.

Los estudiantes europeos siguen escoyendo España como’l principal destín d’intercambiu, qu’acoyó nel añu académicu 2014-2015 a 42.537 persones, siguida d’Alemaña con 32.871 y Reinu Uníu con 30.183, según datos del executivu comuñal. Los italianos (9.029), franceses (7.042), alemanes (6.564) y británicos (3.299) son los que más vinieron estudiar o faer práctiques n’España.

Los españoles dexaron de ser los primeres en salir a otros países, superaos polos franceses (39.985 persones) y alemanes (39.719), anque siguen siendo numberosos, con 36.842 participantes. Los países favoritos de los españoles son Reinu Uníu (4.381), Alemaña (4.081) y Francia (3.864).

  Categories: