España ye’l país européu preferíu polos estudiantes de Eramus+

España ye’l país européu preferíu polos estudiantes de Eramus+
05 avientu 10:16 2017 Imprimir

España volvió ser en 2016 el país preferíu polos participantes nel programa Erasmus+ en tolos sectores educativos, al recibir a 73.803 estudiantes.

Según l’informe presentáu pola Comisión Europea coincidiendo col final de la celebración del 30 aniversariu del programa Erasmus+, por detrás d’España asítiense Reinu Uníu con 63.274 estudiantes y Alemaña con 54.929.

Fuentes del Ministeriu d’Educación destacaron que l’informe recueye que dende 2001 España ye tamién el país que recibe más alumnos d’Enseñanza Cimera. Nel cursu 2015-16 llegaron 45.813 alumnos, per delantre d’Alemaña con 34.922, Reinu Uníu con 31.362, Francia con 30.145 ya Italia con 23.924. Los centros más solicitaos fueron la Universidá de Granada, la Universidá Complutense de Madrid, la Universidá de Valencia y l’Universidá Politécnica de Valencia.

Pela so parte, 45.826 estudiantes españoles acoyéronse al programa Eramus+ demientres el cursu 2015-16. Según el departemento empobináu por Íñigo Méndez de Vigo, teniendo en cuenta tou les acciones financiaes pol programa Erasmus+, xestionaes mayoritariamente n’España pol Serviciu Español para la Internacionalización de la Educación (Sepie), el númberu de participantes nel nuesu país xube a un millón de persones dende 1987 a 2017.

Per otra parte, el Ministeriu d’Educación va siguir cofinanciando’l programa con 30 millones d’euros pala movilidá d’estudiantes d’Educación Cimera dientro d’Europa y col restu de países del mundu, nel marcu de la llamada “dimensión internacional” del Programa, poniendo especial atención n’Iberoamérica. D’esta manera, el presupuestu del programa Erasmus+ para 2018 n’España va xubir a 202.401.943 euros, lo que supon un 13,5% más que l’añu anterior.

  Categories: