España va a la cabeza de los países con más emplegu mozo a tiempu parcial

España va a la cabeza de los países con más emplegu mozo a tiempu parcial
22 setiembre 19:54 2015 Imprimir

España vieno acabante d’allugase a la cabeza del desemplegu xuvenil y ye tamién el país cola tasa más alta de ciudadanos de 15 a 24 años qu’acepten obligatoriamente un contratu a tiempu parcial.

Los mozos españoles tarden enforma n’atopar el so primer trabayu y, cuando lo consiguen, tratase en munchos casos d’un emplegu per horas que nun-yos convence. Según la Organización pa la Cooperación y Desenvolvimientu Económicos (OCDE), n’España son el 22% de tolos que tienen un emplegu per hores, datu que supera, con muncho, la media de los países industrializaos, el 5,8%, y más del doble de la media de la Xunión Europea (9,9%).

L’organismu considera nesti informe que n’España pue facese muncho más pola Formación Profesional y l’aprendizaxe basáu nel trabayu y recuerda que l’esfuerzu tien de ser continuu p’ameyorar la calidá, la equidad y l’eficiencia de la educación obligatoria. Ha facesae alcordanza qu’España ta tamién lliderando dende hai tiempu  les tases de fracasu escolar.

L’informe reclama tamién nes sos conclusiones más esfuerzu en polítiques actives d’emplegu pa facilitar l’insertamientu llaboral, porque sigún los sos datos un mozu español tarda una media de seis años en consiguir un contratu fixu frente a los dos años de Dinamarca. Cerca del 71% de los emplegaos nuevos tienen contratos temporales, una proporción que xorreció enforma demientres la crisis.

El trabayu presentose esti martes en Madrid por parte de los ministerios que s’encargaron de coollaborar pa facelu, que foron los d’Educación, Cultura y Deporte; Empléu y Seguridá Social; Economía y Competitividá, el de Facienda y Alministraciones Públiques, el d’Industria, Enerxía y Turismu; Presidencia y la Oficina Económica del Presidente del Gobiernu, xunta a distintos Executivos autonómicos.

Loading Facebook Comments ...