España baxa un puestu na carrera de la ciencia que llidera USA

by redacción asturnews | abril 17, 2018 10:09 am

Estaos Xuníos foi’l país con más publicaciones científiques tantu nel añu 2000 (alredor de 251.000) como nel 2015 (355.000), según un informe del Altu Conseyu d’Evaluación de la Investigación y l’Enseñanza Cimera Francés (Haut Conseil de l’évaluation de la recherche et de l’enseignement supérieur) que destaca tamién como España baxó un puestu na clasificación.

Nesti periodu de tiempu solo otros dos Estaos caltuvieron la so posición na clasificación global: Reinu Uníu y Alemaña, nel tercer y cuartu puestu. El restu de naciones o xubieron o baxaron nel ranking qu’amuesa esta infografía de Statista.

Nesti periodu, los mayores ascensos na llista fueron los de China, qu’esguiló del octavu al segundu puestu, y el de la India, que xubió de la posición númberu dolce a la sesta. España, pela so parte, anque aumentó’l so númberu de publicaciones en más del doble (d’alredor de 20.000 nel añu 2000 a 47.000 en 2015) baxó una posición, según la citada fonte.

Gracies a estos datos, que solo dan información sobro’l númberu de títulos y non de la so calidá o llogros llograos por estos, unu puede faese una idea de delles de les rexones del mundu que tán na avanzadura d’esti campu.

Source URL: http://asturnews.com/espana-baxa-un-puestu-na-carrera-de-la-ciencia-que-llidera-usa/