España alderica si ampliar la educación obligatoria a los 18 años

España alderica si ampliar la educación obligatoria a los 18 años
28 ochobre 15:14 2015 Imprimir

PP y PSOE coinciden cola Plataforma Estatal pola Escuela Pública en qu’España tien d’estender la educación hasta los 18 años.

L’alderique apaeció esti día en precampaña electoral, con dellos matices que van de si tien de ser una etapa obligatoria, a cuántu hai qu’invertir o a qué alumnos dar más atención. Los espertos coinciden en que ye beneficiosu pa la sociedá, pero ven difícil que se queden nes aules xusto los alumnos que se van desencantaos.

Seis países europeos (Alemaña, Bélxica, Hungría, Holanda, Polonia y Portugal) tienen enseñanza obligatoria hasta los 18 años. Na última etapa, compaxinen formación nes aules con hores de práctiques nes empreses. Otros, como Holanda, nun dexen que nengún alumnu abandone’l sistema obligatoriu hasta que nun consiga un títulu. Y esi ye precisamente unu de los drames d’España, coles tases de fracasu escolar más altes d’Europa.

N’España, casi’l 92% de los alumnos de 17 años y el 80% de los de 18 siguen en clase, según los últimos datos del Ministeriu d’Educación, del cursu 2012-2013. Anque tamos per debaxo de la media europea, nun son tantos los que queden fora. Tratar de los desencantaos, malos alumnos que solo volveríen, a dicir de distintos espertos, si ufiértase-yos un aprendizaxe más prácticu como’l de los vecinos europeos., La clave ta na Formación Profesional, una etapa na qu’España anda fluexa.

Aprosimao un terciu de los alumnos opten por esta etapa postobligatoria. La última propuesta enllantada cola reforma educativa, la FP básica, nun termina d’arrincar y atrai a menos alumnos que los previstos. Y pa rematar la metá nun consiguieron promocionar al cursu siguiente.

 

Loading Facebook Comments ...