Portada Educación Ésitu de la “Hongo-xornada” nel Botánicu

Ésitu de la “Hongo-xornada” nel Botánicu

by asturnet
Foto: Javier Pais (https://www.flickr.com/photos/javierpais/)

Del 13 a 16 d’ochobre, el fascinante reinu de los Hongos foi’l protagonista d’unes Xornaes de divulgación sobre estos organismos, con paseos, talleres, conferencies y un toque de gastronomía, nel que se rexistró un bultable ésitu de públicu.

Estos organismos cunten col so propiu reinu, el Funghi, con casi 100.000 especies conocíes (y munches más por afayar). Y ye que los hongos….¡son muncho más que cogordes!. Sosprienden pol so gran diversidá y poles estratexes qu’empleguen pa sobrevivir, fechos visibles nel Botánicu, onde más de 200 especies d’hongos conviven coles plantes gracies a los ricos y variaos ambientes (praderíes, montes, madera muerta…) qu’equí atopen pa desenvolvese.

L’oxetivu de los Hongu-xornaes yera averar l’estelante y desconocíu reinu de los hongos a la sociedá y sopelexar la so importancia ambiental y económico. Y ser al mesmu tiempu puntu d’alcuentru tantu pal entusiasta micólogu como pal públicu que, ensin ser especialista, esfruta de les posibilidaes didáctiques y lúdiques del Xardín. El programa d’actividaes incluyía Paseos micolóxicos, Talleres pa neños y adultos, una exposicición d’hongos de seronda, amás de conferencies y un Vermú micológico bien especial.

Tamién te podria gustar