Esitosa presencia d’Asturies nos primeros venti díes de la Expo de Zaragoza

07 xunetu 03:48 2008 Imprimir

El Pabellón d’Asturies na Expo de Zaragoza recibió nos primeros venti díes d’actividá un total de 119.000 visites, según informó’l Gobiernu autonómicu. El so restorán ye ún de los más visitaos y según fontes gubernamentales, “supera nun 60% a los d’otres comunidaes autónomes”.

El 29 de xunu foi’l día nel que más vistantes pasaron pel pabellón asturianu, un total de 12.500 persones. El llugar recibió amás la visita d’un total de 30 autoridaes d’otres comunidaes autónomes dende que la esposición internacional abrió les sos puestes el 14 de xunu.

El pabellón tien capacidá pa 150 persones y dientro d’él y en tol recintu de la EXPO 2008 va celebrase’l 28 de xunetu, el Día d’Asturies na EXPO, actu que va cuntar cola presencia del presidente asturianu, Vicente Álvarez Areces, y la conseyera de Mediu Ambiente y Desenrrollu Rural, Belén Fernández González.

  Categories:
Loading Facebook Comments ...